الكمبيوتر ومكوناته محمد السيد محمدى 2\4

عمرك فكرت تفك الكمبيوتر وتنضفه .. ولا خايف تبوظ حاجة

طيب هو نضيف .. مش عايز تعرف بيتكون من إيه

وإزاي قدر الإنسان وبفضل الله سبحانه وتعالى أولا



يحول الجمادات بمساعدة الكهربا والمغناطيس لحاجة عظيمة جدا لا يمكن الاستغناء عنها

ومنقدرش نعيش من غيرها .. واعتقد دلوقتي حياتنا متوقفة عليها

إن شاء الله هنتكلم عن الكمبيوتر ومكوناته من أول الكيسة لحد سلامو عليكو
: تحميل العاب تنزيل برامج العاب افلام كرتون مصارعة http://3arabsoft.com/forum/thread22091.html

أ – بيقولوا عليها الكيسه .. Case :

وهي بيت مكونات الكمبيوتر .. وممكن نشبهها بالهيكل العظمي بتاع الكمبيوتر

لأن كل مكونت الكمبيوتر بتركب عليها .. وعن طريقها نقدر نتعامل مع المكونات الداخلية ليه

عن طريق الفتحات اللي بتكون فيها .. فيه منها أنواع وأشكال وأحجام

وده بعض أشكالها :






الكيسه وعرفناها .. طيب بتركب الحاجات فيها ازاي !!

بص حضرتك كدة






1 – ده المكان اللي بيتحط فيه الماذربورد ولاحظ معايا الثقوب الكتير اللي في القاعدة

والثقوب ده بيتركب فيها يا اما كليبس او قطعة قلاووز بتتربط فيها

الكليبسات بتتركب في الماذربورد عشان تمسكها أو لو استخدمنا قطعة القلاووظ فبالتأكيد

الماذر بورد هتتمسك بمسامير .. والتقوب كتير لأن كل ماذربورد وليها أـماكن فتحات معينة

فبنركب الكليبسات أو القلاووظ على حسب الماذربورد

2 – وده الجزء مخصص لوضع المحركات الخارجية اللي هنتعامل معاها مباشرة

زي السيدي روم والرايتر والديفيدي وما إلى ذلك

3 – وده مكان الفلوبي درايف واللي تحته بيتركب فيه المحركات الداخلية زي الهارد مثلا

4 – ده مكان بيوضع فيه سماعة واللي بنسمع صوتها واحنا بنعمل مثلا

كونيكت دايل أب أو والجهاز بيشتغل اللي هي صفارة كدة

وعن طريقها بنعرف نحدد بعض العيوب .. زي مثلا لو فيه عيب في الرامات

بتعمل صفارة مستمرة متقطعة ( تيييييييييييييت ...... تييييييييييت ... )

+ السماعة فيه زرار الباور وزرار الريستارت ولمبة الباور(الخضرة) ولمبة الهارد (الحمرة)

طبعا فيه بعض الكيسات زي المحمولة وغيرها بتكون الأجزاء ده فوق فإحنا بنتكلم هنا عن الأساس يعني

بغض النظر عن اختلاف المكان

5 – كدة بقى لفينا الكيسه وهنبص من ورا .. الجزء ده هو مكان الباور سابلاي

وده مهم جدا وخطير .. بحيث إن إحنا مثلا لو حبينا نجمع جهاز لازم يكون نوع الباور سابلاي نضيف

ليه بقى .. لأن الباور سابلاي ده هو مصدر طاقة الكمبيوتر .. وهو اللي بيوزع الكهربا

لكل أجزاء الكمبيوتر كلها وعشان كدة لو لاحظنا إنه ليه مروحة وفتحة تهوية لوحده

الأنواع الرخيصة ساعات بتحرق الهارد وبتحرق الماذر بورد ومشاكل تانية كتير

وهنتكلم عن الباور سابلاي إن شاء الله بالتفصيل

6- وده واضح إنها فتحة تهوية للتبادل الغازي بين داخل الكيسة وخارجها

7 –وده الفتحة اللي بيخرج منها أجزاء الماذر بورد اللي نقدر نتعامل معاها

زي مثلا فتحة الماوس الكي بورد اليو اس بي فتحة الطابعة وفتحة الكوم

وهنتكلم بردو عن الماذر بورد إن شاء الله

8 – وهنا فتحات للأضافات اللي بنضيفها للماذر بورد زي مثلا كارت المودم

كارت اللان كارت التي في ..

9 – وأخيرا ده المروحة الجانبية اللي بتتركب للكيسة لزيادة التهوية لأن التهوية

ليها دور كبير في عمل وأداء الجهاز