منتدى مدرسة حمزة بن عبد المطلب
عزيزي الزائر أسرة المنتدى ترحب بك
برجاء التسجيل لتنضم إلينا ونسعد بصحبتك


منتدى مدرسة حمزة بن عبد المطلب
 
الرئيسيةالتسجيلدخول

شاطر | 
 

  انواع الكمبيوتر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
احمد ايمن رمضان بسيونى

avatar

عدد المساهمات : 4
مساهمات العضو : 8
تاريخ التسجيل : 18/10/2010

مُساهمةموضوع: انواع الكمبيوتر   الأربعاء أكتوبر 20, 2010 9:53 am

كمبيوترالموتك 6 انواع وكل نوع فيه مواصفات زيادة وطبعا اغلى وانته واختيارك وقوة مكينتك واهم شي فلوسك

اول نوع هو m4

وهو يركب على كل المكاين 4 او 6 او 10 او 12 سلندر وحتى الدراجات ومكاين الروتاري هل الكمبيوتر له 3 خرائط الهوا والبترول والكهربا التحكم بالكهربا مع هل النوع تقدر تتحكم في وقت صدور الشرارة وقوتها حسب تخليها قوية في كل الحالات سواء على ار بي ام منخفض او عالي وتقدر تتحكم بضخ البترول في الانجكترات لان برمجة الوكالة كل ما دست وارتفع الار بي ام يضخ بترول زيادة بهل. الكمبيوتر تقدر تزيد الضخ وتخليه دايما قوي في كل الحالات ار بي ام عالي او نازل بيكون نفس الضخ والكمبيوتر يقدر يعدل اذا في مشكلة في الانجكتر وكان ضعيف في الضخ يزيده لين ما يوصل للبرمجة اللي انته تبيها . كمبيوترالموتك النوع الثاني والنسخة المطورة من الM4 اللي هو الm48


وهاذا مصمم خصيصا لل6 وال8 سلندر يعني مناسب جدا للفتك والاستيشن والجي تي والسوبرا وسعره في متداول الجميع 12 الف درهم تقريبا في الامارات ويناسب المكاين التوربو والسوبر اذا حبيت تركب هل الاثنين عليك بهاذا طبعا لأنه فيه خاصيات وايدة واللي يميز الموتك عن باقي الكمبيوترات انه فيه خصائص اكثر من اي كمبيوتر غيره مثلا الانجكتر يبدى ضخه تدريجيا وما يكتمل ضخه الا يوم الانتيك يبخ الهوا الكافي ويوم يكتفي الانجكتر يضخ بتروله 100 بالـ 100ومعروف ان الانتيك متى يسحب هوا كافي بعد ار بي ام3 تقريبا لان الهوا يدخل اكثر خلال هل الاربي ام والسرعه في هل الكمبيوتر بيضخلك 100 بالـ100 في كل السرعات وعلى ار بي ام منخفض وطبعا في ناس تتحرى انها لو كبرت الانجكترات انحلت المشكلة ؟؟!! طبعا غلط ليش لان لازم يكون في توازن مثل ما الانجكتر يبخ بترول لازم ايضا تحتاج الهوا الكافي وهل الكمبيوتر بيخلط الهوا مع البترول بطريقة متجانسة واحتراق سريع للسلندر عشان تحصل تورك اعلى وتشل اي غلطة في المكينة مثل تقطيعه او فقدان احصنة او نزول في التورك غير ملاحظ هل الكمبيوتر بيعدلك كل شي طبعا اهم شي في تزويد السيارة انك تعدل ميزانية البترول والهوا يعني مب اي شي تقدر تركبه لان لو زاد البترول ونقص الهوا تغامر في مكينتك صح بتحصل مشي لاكن مب مثل واحد موازن الا2 مع بعض بطريقة متساويه .
هاي نبذة خفيفة عن النوع الثاني والمتداول بكثرة عند الشباب طبعا في انواع باقية للموتك اللي هيه ( M400 , M600 , M800 , M880)
بس هاي غالية وجدا معقدة بس الحلو فيها انك تقدر تبرمج كذا برمجة وتحط كم خريطة وتخزنهن مثلا اذا تحب تدخل سباق 400 متر عندك برمجة جاهزة واذا سباق خط طويل تقدر تبرمج هل الشي وطبعا كل هل الأنواع تبرمجلك تبديل القير والكت اوف مثل باقي الانواع. نروح لكمبيوتر الهالتك مقارنة بالموتك هو زين وفنان وقوي وارخص واحد ومتداول اكثر شي سعره بـ 4500 درهم اللي هو E6X ومن خصايصه تتحكم في الاقنشن اللي هي الكهربا تزيدها وتنقصها على راحتك حسب انته شو تبي وتتحكم في ضخ البترول وضخ الهوا


*واخيرا: السبيد كنترول يعني تشل الكت اوف والتبديلات تغيرها مثل تزيد جير 1 على جير 2 وتنزل ار بي ام 3 على راحتك مثل باقي الكمبيوترات الحلو في هل الكمبيوترانك مب بس تقدر تزيد وترتب وتنظم هل الاشياء تقدر تدخل داخل المكينة وتشوف الاغلاط اللي صايرة مثلا عندك بستن ضغطه اعلى من الباقيات بنسبة بسيطة وطبعا ها ياثر بس ما تحس فيه

* يعني باختصار تقدر تدخل داخل مكينتك وتعدلها وتنظمها اذا في غلط او اذا تبا تغير شي فيها طبعا معروف ان كمبيوتر الوكالة مثلا تبي تغير الكرنك او البساتن صح ما في شي بيصير وبتحس بالقوة والمشي بس كمبيوتر الوكالة هنا ما يتعرف على هل القطع ويعطيك القوة الكاملة لهل القطع بس لو ركبت هل الكمبيوتر بتقدر تاخذ بيانات البساتن وقياساتها والكرنك وتزيد الاوفر لاب للكرنك والخ...
طبعا الهالتكتقدر تركبه فوق كمبيوتر الوكالة يعني ما تظطر تشيل كمبيوتر الوكالة وتقدر تغير نظام الكربيتر لاانجكتر اذا مكينتك كاربيتر طبعا مع القطع اللازمة للتحويل بس هل الكمبيوتر بيخلي انتيك الانجكتر والثروتل يشتغل صحشوفو هنا بالصوره كيف طريقة البرمجة والخرائط ولاحظو الدقة في طريقة تعديل الضخ سواء البترول اوالهوا .. بالارقام الصغيرة وبدقة وبقوة وطريقة برمجته مب مثل صعوبة برمجة الموتك واسمحولي على التطويل لكن احاول اعطي معلومات مهمة واختصرها
الرجوع الى أعلى الصفحة اذهب الى الأسفل
 
انواع الكمبيوتر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى مدرسة حمزة بن عبد المطلب :: منتدى الجودة والاعتماد للعام الماضي 2010-
انتقل الى: